CICLO "TEMAS XURÍDICOS DE ACTUALIDADE"
Conferencia "A LIBERDADE PARA DISPOÑER DOS BENS EN TESTAMENTO", por D. VICTORIO MAGARIÑOS BLANCO, notario.
Este ciclo, cuxa coordinación corre a cargo do Prof. Dr. D. Carlos Lema Devesa, presidente da Asociación de Juristas Gallegos en Madrid (IURISGAMA), está composto por unha serie de conferencias que serán impartidas por ilustres xuristas galegos. Disertarán sobre temas diversos de Dereito Penal, Administrativo e Mercantil, e estará dirixido tanto a especialistas na materia como ao público en xeral.
O notario honorario e Académico da Real Academia Sevillana de Lexislación e Xurisprudencia, D. Victorio Magariños Branco é natural de Pontecesures (Pontevedra) 1940.
Estudou a carreira de Dereito na Universidade de Santiago de Compostela. En 1966 ingresou no Notariado, previa oposición, e ademais ata o ano 1971 exerceu como profesor de Dereito Civil na Facultade de Dereito na Universidade de Barcelona, formando parte da cátedra de Durán i Bas de Dereito Catalán.
En 1972 foi nomeado secretario e en 1996, presidente do Tribunal de Oposición a Notarías. En 1974, previa oposición entre notarios ata a xubilación en 2010, exerceu a profesión de Notario en Sevilla. En 1982, encargóuselle a creación da Academia Sevillana do Notariado da que foi presidente ata 1997. É autor de numerosos e diversos traballos monográficos de Dereito Civil, editados en publicacións especializadas, así como de artigos de análise política en Diario 16, ABC e El Mundo. Desde 1992 é Académico da Real Academia Sevillana de Lexislación e Xurisprudencia. En 1993 foille concedida a medalla de San Raimundo de Peñafort.